Молитва княгине елисавете

Святой преподобномученице Елисавете

Молитва княгине елисавете

Кро́тость и смире́ние и любо́вь / всели́вши в ду́шу свою́, / усе́рдно послужи́ла еси́ стра́ждущим, / страстоте́рпице свята́я княги́не Елисаве́то, / та́же с ве́рою претерпе́ла еси́ страда́ния и сме́рть за Христа́, / ку́пно с и́нокинею Варва́рою. / С не́ю же моли́ о все́х с любо́вию почита́ющих ва́с.

Велича́ние:

Велича́ем тя́, страстоте́рпице свята́я княги́не Елисаве́то, и чте́м святу́ю па́мять твою́, ты́ бо мо́лиши за на́с Христа́ Бо́га на́шего.

Пе́снь 1

Ирмос: Гряди́те лю́дие, пои́м пе́снь Христу́ Бо́гу, разде́льшему мо́ре и наста́вльшему лю́ди, я́же изведе́ из рабо́ты еги́петския, я́ко просла́вися.

Отве́рзи ми́, Христе́, устне́, воспе́ти по́двиги уго́дницы Твоея́, преподобному́ченицы Елисаве́ты, да моли́твами свои́ми о́блак разори́т моего́ неве́дения.

Возлюби́вши Бо́га от всея́ души́ твоея́, Тому́ от ю́ности послужи́ла еси́, преподобному́ченице, вся́ ле́та живота́ твоего́, те́мже и просла́ви тя́: ве́сть бо Госпо́дь сла́вящия Его́ прославля́ти.

Ны́не, преподобному́ченице Елисаве́то, с ли́ки проро́к и апо́стол, му́ченик же и преподо́бных, во све́те Святы́я Тро́ицы соводворя́ющися, помина́й ча́да твоя́, ве́рою творя́щия па́мять твою́.

Богородичен: Зачала́ еси́ Сло́во Отчее, пло́ти соедини́вшееся из Тебе́, Боже́ственныя Ипоста́си не оста́вль, Ма́ти Чи́стая; Его́же возжела́вши преподо́бная Елисаве́та, муче́ния сла́ву стяжа́ла е́сть.

Пе́снь 3

Ирмос: Лу́к сокруши́ся си́льных держа́вою Твое́ю, Христе́, и си́лою немощству́ющии препоя́сашася.

Нача́ло жития́ твоего́ земна́го положи́ла еси́ во гра́де Да́рмштадте, иде́же благочести́вый ца́рь-му́ченик святе́й равноапо́стольней Мари́и Магдали́не хра́м созда́.

Упокое́ние ве́чное обрела́ еси́ в оби́тели тоя́ же святы́я, во святе́м гра́де Иерусали́мстем, близ це́ркве Успе́ния Пресвяты́я Богоро́дицы, ю́же все́м се́рдцем твои́м возлюби́ла еси́.

Зде́ ны́не, в Гефсима́нстей оби́тели, храня́тся святы́я мо́щи твоя́, и́мже мы́ недосто́йнии и неключи́мии раби́ твои́ благоче́стне покланя́емся.

Богородичен: Еди́наго Невмести́маго Бо́га во Твое́м чре́ве прия́ла еси́, Пречи́стая Богороди́тельнице. Те́мже мы́ ве́рнии вси́ пе́сньми Тя́ ублажа́ем.

Седа́лен, гла́с 7:

Страстоте́рпице свята́я княги́не Елисаве́то, / егда́ тя́ жи́ву во алапа́евскую ша́хту вверго́ша, / ку́пно со святы́ми му́ченики ца́рския кро́ве, / я́же бя́ху кня́зие Се́ргий, Иоа́нн, Константи́н, Игорь и Влади́мир, / та́кожде му́ченица Варва́ра, / и святы́й му́ченик Фео́дор, / изнемога́ющим же надо́лзе все́м от ра́н, / облегча́ла еси́ е́ле жи́ва су́щи страда́ния умира́ющих, / воспева́ющи свяще́нная песнопе́ния, я́же слы́шаху мимоходя́щии. / Сего́ ра́ди мо́лим тя́: моли́ся Христу́ Бо́гу / прегреше́ний оставле́ние дарова́ти пра́зднующим любо́вию святу́ю па́мять твою́.

Сла́ва, и ны́не, богоро́дичен, гла́с то́йже:

Егда́ предста́ну пред лице́м Созда́теля моего́, в де́нь пра́веднаго Суда́ Его́, тогда́, Влады́чице, бу́ди ми́ хода́таица пред Ни́м, ве́чныя му́ки избавля́ющи мя́, да не сни́ду во а́д, но да спасу́ся Твои́м, Пречи́стая Богоро́дице, заступле́нием.

Пе́снь 4

Ирмос: Услы́шах, Го́споди, сла́вное Твое́ смотре́ние и просла́вих, Человеколю́бче, непостижи́мую Твою́ си́лу.

Поста́вивши но́зе твои́ на ка́мени чи́стыя ве́ры правосла́вныя, непоколе́блема пребыла́ еси́ от искуше́ний и наве́тов безбо́жных гони́телей твои́х.

От вдовства́ твоего́ возлюби́ла еси́ пребыва́ти в дому́ Госпо́дни, основа́вши оби́тель в ца́рствующем гра́де Москве́ служе́ния де́ля бли́жним.

Удали́лася еси́ от ми́ра су́етнаго сего́ во святу́ю оби́тель Ма́рфы и Мари́и, во е́же пе́сньми непреста́нными и моли́твами стра́сти теле́сныя вся́ упраздни́ти, да до́бре послу́жиши Бо́гу и бли́жним, с со́нмом единому́дренных ти́ же́н.

Богородичен: Ты́ ве́рных похвала́ еси́, Богоро́дице, Безневе́стная, Ты́ предста́тельница, Ты́ и прибе́жище христиа́н. Моли́ Сы́на Твоего́ и о на́с, прибега́ющих к покро́ву Твоему́.

Пе́снь 5

Ирмос: Све́та Пода́телю, и веко́в Тво́рче, Го́споди, во све́те Твои́х повеле́ний наста́ви на́с: ра́зве бо Тебе́, ино́го Бо́га не зна́ем.

Пресве́тлым венце́м увязена́ бы́вши, предстои́ши престо́лу все́х Царя́, те́мже моли́ся, преподобному́ченице Елисаве́то, о ве́рою и любо́вию пра́зднующих святу́ю па́мять твою́.

Зако́ном Боже́ственным повину́вшися, зако́нов грехо́вных до конца́ уклони́лася еси́, да Христа́ приобря́щеши, и сего́ ра́ди до́бре потруди́лася еси́, венцено́сице великоимени́тая.

Ум и се́рдце отве́рзла еси́ к вселе́нию благода́ти, еди́наго Влады́ку прия́ла еси́, и вене́ц нетле́ния обрела́ еси́, сия́ющий све́тлыми светоли́тии и бога́тыми дарова́нии.

Богородичен: Тя́, Богоро́дице Чи́стая, ору́жие непобеди́мое на враги́ предлага́ем, Тя́ утвержде́ние и наде́жду на́шего спасе́ния стяжа́хом.

Пе́снь 6

Ирмос: Гла́с глаго́л моле́бных от боле́зненныя, Влады́ко, души́ услы́шав, от лю́тых мя́ изба́ви: еди́н бо еси́ на́шего спасе́ния вино́вен.

Егда́ ра́ны теле́сныя прия́ла еси́ от безбо́жных уби́йц, во смире́нней му́дрости свое́й я́зву тя́жкую возложи́ла еси́ врагу́, ражда́ющему сме́рть.

Егда́ ведя́хуся на заколе́ние вку́пе со ве́рною ти́ и́нокинею Варва́рою и вели́кими кня́зи, ты́ сохрани́ла еси́ духо́вную кре́пость, не отре́кшися Христа́ Бо́га, Ему́же служи́ла еси́ и́стинно.

Яже в ро́ве алапа́евстем услы́шавши уя́звленных стена́ния, с любо́вию я́звы теле́сныя и́х обвяза́вши, прииди́ на по́мощь на́м, уя́звленным горды́нею и киче́нием, и обвяжи́ стру́пы лю́тыя ду́ш на́ших.

Богородичен: О на́с из Тебе́ Воплоще́ннаго, Де́во Ма́ти, всегда́ моли́, благоче́стно Тя́ блажа́щих, изба́витися бе́д, и душетле́нных страсте́й и ве́чнаго муче́ния.

Конда́к, гла́с 4:

От сла́вы ца́рственныя, / взе́мши кре́ст Христо́в, / прешла́ еси́ к сла́ве небе́сней, моля́щися за враги́, / и обрела́ еси́ ра́дость ве́чную, / свята́я му́ченице княги́не Елисаве́то, / с Варва́рою му́ченицею, / те́мже моли́те о душа́х на́ших.

Икос:

Возлюби́вши Христо́вы за́поведи, преподобному́ченице, и возненави́девши ми́ра сего́ наслажде́ние, притекла́ еси́ усе́рдно ко Го́споду, и просвеща́ющи зе́млю Ру́сскую блиста́нием духо́вным, привела́ еси́ к Нему́ ста́до де́в, наста́вленных тобо́ю в любви́ Бо́жией. Просвети́ на́ши о́чи серде́чныя, во е́же воспе́ти по́двиги твоя́, проще́ние, бде́ние, сле́зы, боле́зни, сострада́ние, блаже́нныя ра́ди жи́зни ве́чныя, ея́же ны́не наслажда́ющися, непреста́нно моли́ о душа́х на́ших.

Пе́снь 7

Ирмос: Образу злато́му, на по́ле Деи́ре служи́му, трие́ Твои́ о́троцы небрего́ша безбо́жнаго веле́ния, посреде́ же огня́ вве́ржени, ороша́еми, поя́ху: благослове́н еси́, Бо́же оте́ц на́ших.

К Све́ту незаходи́мому возше́дши, я́ко со́лнце просвеща́еши вселе́нную, дела́ бо све́та соверши́ла еси́, те́мже просвеща́й и на́с недосто́йных ны́не зову́щих: оте́ц на́ших Бо́же, благослове́н еси́.

Еди́ному Бо́гу возложи́вши ду́шу и помышле́ние, те́сный пу́ть ше́ствовала еси́, те́мже получи́ла еси́ небе́снаго Ца́рствия наслажде́ние, и ны́не взыва́еши: оте́ц на́ших Бо́же, благослове́н еси́.

Сия́ющи луча́ми благода́ти, преподобному́ченице Елисаве́то, испроси́ и на́м, соверша́ющим све́тлый пра́здник тво́й, оставле́ние грехо́в, пою́щим: Бо́же оте́ц на́ших, благослове́н еси́.

Богородичен: Ра́дуйся, зове́м Ти́, вку́пе с Гаврии́лом, Пречи́стая, Преблагослове́нная, моли́ Сы́на Твоего́, да моли́твами Твои́ми спасе́т ду́ши на́ша.

Пе́снь 8

Ирмос: В пе́щь о́гненную ко отроко́м евре́йским снизше́дшаго, и пла́мень в ро́су прело́жшаго Бо́га, по́йте дела́, я́ко Го́спода, и превозноси́те во вся́ ве́ки.

Дне́сь просия́ пресве́тлая па́мять твоя́, Елисаве́то преподобному́ченице, княги́не свята́я, я́же ны́ созыва́ет на торжество́, е́же просла́вити терпе́ние твое́, и́мже подвиза́лася еси́ со ины́ми му́ченики, в ро́ве алапа́евстем бы́вшими, и Христу́ возопи́ти: благослови́те вся́ дела́ Госпо́дня, Го́спода.

Яко све́т возсия́ из мра́ка лю́таго безбо́жия пра́здник тво́й, новоявле́нная преподобному́ченице. Ты́ же све́том любве́ твоея́ просвеща́й и на́с, вопию́щих: благослови́те вся́ дела́ Госпо́дня, Го́спода.

Ца́рския черто́ги оста́вивши, дости́гла еси́ черто́га небе́снаго, угото́ваннаго тебе́ Женихо́м возлю́бленным ти́ Христо́м, Его́же ви́дящи, зове́ши: благослови́те вся́ дела́ Госпо́дня, Го́спода.

Богородичен: Тебе́ ра́ди, Пречи́стая Богоневе́сто, печа́ль преста́, и кля́тва вои́стинну непло́дством изнемо́же, и благослове́ние процвете́ ве́рным во ве́ки.

Пе́снь 9

Ирмос: Ве́сь еси́ жела́ние, ве́сь сла́дость, Сло́ве Бо́жий, Де́вы Сы́не, Бо́же бого́в, Го́споди, святы́х Пресвяты́й, те́м Тя́ вси́ с Ро́ждшею велича́ем.

Вся́ в Го́рний Иерусали́м устреми́вшися, преподобному́ченице Елисаве́то, оста́вила еси́ святы́я мо́щи твоя́ в до́льней Гефсима́нии, иде́же вы́ну сла́вят Бо́га, тя́ просла́вльшаго, в и́ночестем житии́ благочести́выя сестры́ твоя́.

Жи́знь ве́чную, му́ченице Христо́ва, приле́жно стяжа́ла еси́, му́ченическими кровьми́ сия́ющи издале́ча, те́мже и на пра́здник тво́й зове́ши ны́, нача́льнице мона́шествующим, свята́я Елисаве́то.

Моли́твами твои́ми, неве́сто Христо́ва богоизбра́нная, разреши́ ми согреше́ний плени́цы, и страсте́й мои́х мглу́ разори́.

Богородичен: Све́т блиста́ния Рождество́м Твои́м возсия́, и просвети́ всю́ подсо́лнечную, и предста́теля тьмы́ погуби́, Богороди́тельнице Всечи́стая, непреста́нными гла́сы все́м восхваля́ющим Тя́.

Свети́лен:

Укре́пльшися, преподобному́ченице, Елисаве́то, Кресто́м Го́спода твоего́, мучи́телей горды́ню погуби́ла еси́, пострада́вши му́жески, и от Христа́ прия́ла еси́ по́чести вене́ц, о на́с моля́щи, тя́ почита́ющих любо́вию.

Сла́ва, и ны́не, Богородичен:

Стоя́ще о́крест Тебе́ де́вы богому́дрыя, Богороди́тельнице Мари́е, я́ко Цари́це ро́да, Твоему́ Сы́ну приведо́шася, Пречи́стая, я́ко Царю́ вся́ческих, Его́же, Ма́ти Де́во, о на́с умоли́.

Молитва святой преподобномученице великой княгине Елисавете

О святыя новомученицы Российския, великая княгине Елисавето и сестро ея крестовая пречестная инокине Варваро, купно путь свой во мнозех муках скончавшия, евангельския заповеди делом во Обители милосердия совершившия, веры ради православныя подвизающися до смерти в последняя времена сия, и добрый плод в терпении страстей Христу принесшия! Молитеся Ему, яко победителю смерти, да утвердит Церковь Русскую Православную и отечество наше, кровию и страданьми новомучеников искупленныя, и не даст в расхищение врагом России достояния нашего. Се бо лукавый враг вооружися на ны, хотя нас погубити в междоусобных бранех, скорбех, нестерпимых печалех, болезнех, нуждах и бедах лютых. Умолите Господа низложити вся немощныя дерзости их; веру в сердцах людей российских укрепите, да егда найдет на ны испытания час, мужества дар восприимем вашими молитвами, отвергшеся себе и вземше крест свой, последуем, Христу, распинающе плоть свою со страстьми и похотьми. Сохраните нас от всякаго зла, освятите пути жизни нашея, даруйте покаяние нелицемерное, тишину и мир душам нашим, испросите у Господа всем нам мытарств горьких и вечныя муки избавитися и Небесному Царствию наследники быти со всеми святыми, от века угодившими Богу, да радующеся воздадим хвалу, честь и поклонение Отцу и Сыну и Святому Духу во веки веков. Аминь.

Источник: https://xn----7sbahbba0chrecjllhdbcuymu3s.xn--p1ai/kanon/minea_iul/kan_18iul_elisavete1.html

Великая Княгиня Елисавета и инокиня Варвара | Храм Великомученика и целителя Пантелеимона

Молитва княгине елисавете
Великая Княгиня Елисавета и инокиня Варвара

18 июля — православные празднуют память святых преподобномученицы Великой Княгини Елисаветы и инокини Варвары.

Преподобномученица Великая княгиня Елисавета родилась в протестантской семье Великого герцога Гессен-Дармштадтского Людвига IV и принцессы Алисы, дочери английской королевы Виктории. В 1884 году она вышла замуж за Великого князя Сергея Александровича, брата Императора Российского Александра III.

Видя глубокую веру своего супруга, Великая княгиня всем сердцем искала ответ на вопрос — какая же религия истинна? Она горячо молилась и просила Господа открыть ей Свою волю. 13 апреля 1891 года, в Лазареву субботу, над Елисаветой Феодоровной был совершен чин принятия в Православную Церковь.

Посещая храмы, больницы, детские приюты, дома для престарелых и тюрьмы, Великая княгиня видела много страданий. И везде она старалась сделать что-либо для их облегчения.

5 февраля 1905 года произошло страшное событие, изменившее всю жизнь Елисаветы Феодоровны. От взрыва бомбы революционера-террориста погиб Великий князь Сергей Александрович.

На третий день после гибели мужа Елисавета Феодоровна поехала в тюрьму к убийце. Великая княгиня хотела, чтобы он раскаялся в своем ужасном преступлении и молил Господа о прощении. Она даже подала Государю прошение о помиловании убийцы.

Елисавета Феодоровна решила посвятить свою жизнь Господу через служение людям и создать в Москве обитель труда, милосердия и молитвы.

В обители, которая была названа Марфо-Мариинской были созданы два храма, больница, считавшаяся впоследствии лучшей в Москве, и аптека, в которой лекарства отпускались бедным бесплатно, детский приют и школа.

Вне стен обители был устроен дом-больница для женщин, больных туберкулезом.

Сестры обители дали обет, по примеру инокинь, проводить девственную жизнь в труде и молитве. Святитель Владимир, митрополит Московский и Коломенский Елисавету Феодоровну возвел в сан настоятельницы обители. Великая княгиня сказала в тот день: «Я оставляю блестящий мир …но вместе со всеми вами я восхожу в более великий мир — в мир бедных и страдающих».

Великая Княгиня Елисавета и инокиня Варвара

С начала первой мировой войны Великая княгиня организовала помощь фронту. Под ее руководством формировались санитарные поезда, устраивались склады лекарств и снаряжения, отправлялись на фронт походные церкви.

Отречение Императора Николая II от престола явилось большим ударом для Елисаветы Феодоровны. Душа ее была потрясена, она не могла говорить без слез. Елисавета Феодоровна видела, в какую пропасть летела Россия, и горько плакала о русском народе, о дорогой ей царской семье.

Великую княгиню Елисавету Феодоровну арестовали на третий день святой Пасхи 1918 года, в Светлый вторник.

С ней разрешили поехать сестрам обители Варваре Яковлевой и Екатерине Янышевой. Их привезли в сибирский город Алапаевск 20 мая 1918 года.

Сюда же были доставлены Великий князь Сергей Михайлович и его секретарь Феодор Михайлович Ремез, Великие князья Иоанн, Константин и Игорь Константиновичи и князь Владимир Палей.

Спутниц Елисаветы Феодоровны отправили в Екатеринбург и там отпустили на свободу. Но сестра Варвара добилась, чтобы ее оставили при Великой княгине.

5(18) июля 1918 года узников ночью повезли в направлении деревни Синячихи. За городом, на заброшенном руднике, и совершилось кровавое преступление. С площадной руганью, избивая мучеников прикладами винтовок, палачи стали бросать их в шахту. Первой столкнули Великую княгиню Елисавету. Она крестилась и громко молилась: «Господи, прости им, не знают, что делают!».

Елисавета Феодоровна и князь Иоанн упали не на дно шахты, а на выступ, находящийся на глубине 15 метров. Сильно израненная, она оторвала от своего апостольника часть ткани и сделала перевязку князю Иоанну, чтобы облегчить его страдания. Крестьянин, случайно оказавшийся неподалеку от шахты, слышал, как в глубине шахты звучала Херувимская песнь — это пели мученики.

Несколько месяцев спустя армия адмирала Александра Васильевича Колчака заняла Екатеринбург, тела мучеников были извлечены из шахты. У преподобномучениц Елисаветы и Варвары и у Великого князя Иоанна пальцы были сложены для крестного знамения.

При отступлении Белой армии гробы с мощами преподобномучениц в 1920 году были доставлены в Иерусалим. В настоящее время их мощи почивают в храме равноапостольной Марии Магдалины у подножия Елеонской горы.

Великая княгиня Елисавета

ПРМЦ. ЕЛИСАВЕТЕ
Тропарь, глас 1

Смирением достоинство княжеское сокрывши, / богомудрая Елисавето, / сугубым служением Марфы и Марии / Христа почтила еси.

/ Милосердием, терпением и любовию себе предочистивши, / яко жертва праведная Богу принеслася еси.

/ Мы же, чтуще добродетельное житие и страдания твоя, / яко истинную наставницу усердно просим тя: / святая мученице великая княгине Елисавето, / моли Христа Бога спасти и просветити души наша.

Кондак, глас 2

Величие подвига веры кто повесть: / во глубине земли, яко в раи светлости, / страстотерпица великая княгиня Елисавета / со Ангелы во псалмех и пениих радовашеся / и, убиение претерпевающи, / о безбожных мучителех взываше: / Господи, прости им грех сей, / не ведят бо, что творят. / Тоя молитвами, Христе Боже, / помилуй и спаси души наша.

Ин кондак преподобномученицы великой княгини Елисаветы Феодоровны, глас 5

Великий князь Сергий Александрович и святая преподобномученица Елисавета

От славы царственныя, вземши Крест Христов, прешла еси к славе небесней, молящи врагов, и обрела еси радость вечную, святая мученице княгине Елисавето, с Варварою мученицею. Темже молим вас: молите о душах наших.

Поделиться:
Нет комментариев

    Добавить комментарий

    Ваш e-mail не будет опубликован. Все поля обязательны для заполнения.