Молитва родителей о усопшем чаде

Молитвы об усопших родителях, детях,младенцах, самоубийцах ::

Молитва родителей о усопшем чаде

Господи Боже наш, сирых Хранителю, пла­чущих Утешителю, скорбящих Прибежище! С сокрушением и умилением сердца моего прибегаю к Тебе, Сладчайший Иисусе! Услы­ши молитву мою и не презри моления моего; не отврати, Премилосердый Господи, лица Твоего от болезненных воздыханий и горьких слез моих; призри на мя и приими моление мое.

Молю Тя, помяни, Господи, во Царствии Твоем душу усопшаго раба Твоего, родителя моего (имя) или: душу усопшия рабы Твоея, матере моя (имя), (или: души усопших раб Твоих, родителей моих (имена), отшедшаго к Тебе с веррю и надеждою на Твое милосер­дие.

Господи, Господи! Вем, яко Ты, по неизреченным судьбам Твоя премудрости, отъял еси его от мене, но молю Тя, не отними точию от него Твоея благости и милосердия Твоего.

Припадаю к Тебе, Господи, яко к чадолюбиво­му Отцу и всякаго блага Подателю, в сокрушении сердца и со упованием молю Тя: прости ему вся согрешения его вольная иневольная, аще словом, аще делом, аще ведением и не ведением содеянная им в житии сем.

Боже Праведный! Боже Милостивый! Вем, яко Ты, Судие мира сего, грехи и нечестия отцев на­ших наказуеши в детях, внуках и правнуках, даже до третьяго и четвертаго рода, и паки милуеши отце в за молитвы и благочестие чад их, внуков и правнуков; молю Тя, Преблагий и Премилосердый .

Господи, во умилении серд­ца моего молю: не наказуй усопшаго присно­поминаемаго мною раба Твоего (имя), вечным наказанием, но по благости Твоей, по мило­сердию Твоему и молитв ради Пренепороч­ныя Владычицы нашея Богородицы и всех Святых, спаси и помилуй его от вечныя смер­ти, от вечнаго мучения, аще по грехом своим достоин есть Твоего праведнаго осуждения.

Даждь ми, в дние лет моих.

, не усыпати в мо­литвах даже до последнягоиздыхания моего и слезами умиления умолити Тя, Иисусе мой Премилостивый; приими днесь о рабе Твоем (имя) смиренную молитву мою и воздай ему, о, Премилосердый Господи, всещедрым возда­янием Своим; яко воспитавшему мя в вере и христианском житии, научавшему мя первее произноЬити святое имя Твое, во благоговении молитися Тебе по вся дни, на Teбe Единаго надеятися и к Тебе Единому прибегати в скорбех и болезнех, в злоключениях и лише­ниях; воздай ему милостию Твоею за неусы­пае мое благопопечение его о моем духовном преуспеянии, за тепле творимыя им о мне мо­литвы пред Тобою, за все дары, мною от Тебя полученные по молитвам его, молю Тя, воз­дай ему щедротами Твоими, благами Твоими, ихже око не виде, ухо не слыша и на сердце человека не взыдоша. Аще же усопший раб Твой име в сердце своем кия благия желания, благия обеты, ихже не успел бысть соверши­ти, – Господи! чрез завещание родительское внуши ми обеты сии, внуши и благия желания его, да по мере сил моих исполню их и совер­шу пред Тобою и сотворю волю Твою; да тако отшедший к Тебе раб Твой (имя), явится при­частным Твоея великия и богатыя милости, и всели его тогда в чертог Твой украшенный и упокой со Святыми Твоими во веки. Аминь.

Молитва родителей за детей

Господи Боже наш, Владыко живота и смерти! Услыши вопль мой (наш) виждь слезы сетующаго отца (печалующей мате­ри) о чаде* его (ея), (их); при клони ухо Твое к молению моему (нашему) и услыши смиренную молитву мою (нашу) и не отрини от лица Твоего.

Во умилении и сокрушении сердца моего молю Тя, Господи, помяни во Царствии Твоем Душу усопшаго (шия) раба Твоего (рабы Твоея) (имя) и сотвори ему (ей) вечную память.

Молю Тя, Господи Боже наш, Твоею безпредельною к нам грешным любовию, не по беззакониям нашим воздаждь ему (ей), ниже по грехом нашим сотвори ему (ей), но по благости Своей, по Твоему неизреченному милосердию яви богатую милость и в прощении и оставлении грехов усопшему (шей) рабу Твоему (рабе Твоей), чаду мое­му (имя), егоже (юже) дал ми еси.

Прости ему (ей), Боже, прости, Всещедрый, всякое согрешение вольное и невольное, отпусти ему (ей) все грехи его (ея), от юности содеянные словом или делом, ведением или неведени­ем.

Вем, Господи, яко множицею согрешихом, неправдовахом пред Тобою, ниже соблюдохом, ниже сотворихом, якоже заповедал еси нам, но молю Тя, прости согрешения наша, очисти беззакония· наша, отпусти неправды наши, да не пребудут грехи наши на чадех наших.

Аще же чадо мое, отшедшее к Тебе грех ради моих, недостойно суть милости, но достойно Твоего праведнаго гнева и осужде­ния, аще моея или своея ради вины не поуча­шеся в законе Твоем день и нощь, но бысть В веце сем яко раби мира, работая паче миру и плоти, неже Тебе Господу и Богу нашему, воз­люби прелести мира сего паче, неже слово Твое и заповеди Твоя, предавашеся сластем житейским, временным паче, неже сокруше­нию о грехах, и, в невоздержании, бдение, пост и молитву забвению предаваше, темже убо молю Тя прилежно: прости, о Премило­сердый Господи, прости отшедшему (шей) к Тебе рабу Твоему (рабе Твоей) (имя), чаду мо­ему, вся таковая прегрешения, аще в чесом повинен (на) есть или ино что сотвори в мире сем. Господи! Ты воскресил еси дщерь Иаира по вере и молитве отца ея, Ты исцелил дщерь жены хананейской по вере матере ея, молю Тя, Сладчайший Иисусе, приими сице и мою смиренную молитву о чаде моем и избави его (ея) от смерти вечныя и исцели душу его (ея) от греховных болезней. Повергаюся пред Тво­ею благостию и Твоим милосердием, умоляю Тя, Христе Боже мой, святым Твоим именем, умоляю Тя Твоими дражайшими заслугами искупления, даруй отшедшему (шей) к Тебе рабу Твоему (рабе Твоей) всесовершенное прощение и оставление прегрешений, и вос­креси в последний день не на суд или ос дение, но в прославление Твоея безконечны милости во Царствии Твоем. Господи! Не за­твори ему (ей) тогда двери Царствия Твоего, но сподоби услышати превожделенный глас Твой: «приидите благословеннии Отца Моего, и наследуйте уготованное вам Царствие от сложения мира», яко Ты еси живот и вос­кресение наше и Тебе славу возсылаем, со безначальным Твоим Отцем и Пресвятым и Благим и Животворящим Твоим Духом, ныне и присно и во веки веков. Аминь.

Молитва прп. Льва Оптинского о самоубийцах

Взыщи, Господи, погибшую душу (имя)! Аще возможно есть, помилуй. Неизеледимы судь­бы Твои. Не постави мне во грех сей молит­вы. Да будет святая воля Твоя!

и младенцах, умерших во чреве матери или при родах

Освятый мучениче Уаре досточудный, рев­ностью по Владыце Христу разжигаем, Небеснаго Царя пред мучителем исповедал  си, и о Нем усердно пострадал еси и ныне Церковь почитает тя, яко прославляемаго от  Владыки Христа славою Небесною, Иже да­рова тебе благодать великаго к Нему дерз­новения, и ныне предстоиши Ему со Ангелы, и в Вышних ликуеши, и зриши ясно Святую троицу, и светом Безначальнаго Сияния наслаждаешися, воспомяни и наших сродников томление, умерших в нечестии, приими наше орошение, и якоже Клеопатрин род неверный молитвами твоими от вечных мук свободил еси, тако воспомяни елицы противобожне по­гребенныя, умершия некрещенными, потщи­ся испросити оным от вечныя тьмы избавле­ние, да вси едиными усты и единем сердцем восхвалим Премилосерднаго Творца во веки веков. Аминь.

Молитва верующей матери о душах, сознательно загубленных во утробе ея Помяни, Человеколюбче Господи, души от шедших рабов Твоих, младенцев, кои в утробе православных матерей умерли неча­янно от случайных действий, или от трудна­го рождения, или от некоей неосторожности, или сознательно загубленных и потому не принявших Святаго Крещения.

Окрести их, Господи, в море щедрот Твоих и спаси неизреченною Твоею благодатию, а меня грешную (имя), совершившую убийство младенца в утробе моей, прости и не лиши Твоего милосердия. Аминь.

Боже, милостив буди мне, грешной. (Земной поклон).

Молитва детей об усопших родителях. Светлая память

Молитва родителей о усопшем чаде

Каждый из нас появился на этом свете благодаря двум людям — своим родителям. Семейные обстоятельства бывают разными, но родителей не выбирают. Одни расходятся, другие оставляют своих детей, но есть и по-настоящему крепкие семьи.

Что заставило человека поступить именно так, никто не знает. Но главная задача каждого верующего христианина — отдать свой священный долг, уважение и почтение при жизни и после смерти людям, которые подарили ему жизнь.

Молитва об усопшем до 40 дней

«Помяни, Господи Боже наш, в вере и надежди живота вечнаго новопреставленного раба Твоего (или рабы Твоей), имярек, и яко благ и человеколюбец, отпущаяй грехи и потребляяй неправды, ослаби, остави и прости вся вольная его согрешения и невольная, возставляя его во святое второе пришествие Твое в причастие вечных Твоих благ, ихже ради в Тя Единаго верова, истиннаго Бога и Человеколюбца.

Яко Ты еси воскресение и живот, и покой рабу Твоему, имярек, Христе Боже наш. И Тебе славу возсылаем, со безначальным Твоим Отцем и с Пресвятым Духом, ныне и присно и во веки веков, аминь».

Среди земной суеты постарайся найти время и уделить несколько минут в день чтению молитвы за упокой души усопших родителей.

Молитва об усопших родителях

«Господи, Иисусе Христе, Боже наш! Ты сирых хранитель, скорбящих прибежище и плачущих утешитель.

Прибегаю к тебе аз, сирый, стеня и плача, и молюся Тебе: услыши моление мое и не отврати лица Твоего от воздыханий сердца моего и от слез очей моих.

Молюся Тебе, милосердый Господи, утоли скорбь мою о разлучении с родившим и воспитавшим (родившей и воспитавшей) мя родителем моим (материю моею), (имя) (или: с родившими и воспитавшими мя родителями моими, имена их), душу же его (или: ея, или: их), яко отшедшую (или: отшедшие) к Тебе с истинною верою в Тя и с твердою надеждою на Твое человеколюбие и милость, приими в Царство Твое Небесное.

Преклоняюсь пред Твоею святою волею, еюже отъят (или: отъята, или: отъяты) бысть у мене, и прошу Тя, не отыми точию от него (или: от нея, или: от них) милости и благосердия Твоего. Вем, Господи, яко Ты Судия мира сего, грехи и нечестия отцев наказуеши в детях, внуках и правнуках даже до третьяго и четвертого рода: но и милуеши отцев за молитвы и добродетели чад их, внуков и правнуков.

С сокрушением и умилением сердца молю Тя, милостивый Судие, не наказуй вечным наказанием усопшаго незабвеннаго (усопшую незабвенную) для мене раба Твоего (рабу Твою), родителя моего (матерь мою) (имя), но отпусти ему (ей) вся согрешения его (ея) вольная и невольная, словом и делом, ведением и неведением сотворенная им (ею) в житии его (ея) зде на земле, и по милосердию и человеколюбию Твоему, молитв ради Пречистыя Богородицы и всех святых, помилуй его (ю) и вечныя муки избави.

Ты, милосердый Отче отцев и чад! Даруй мне, во вся дни жизни моея, до последняго издыхания моего, не преставати памятовати о усопшем родителе моем (усопшей матери моея) в молитвах своих, и умоляти Тя, праведнаго Судию, да вчиниши его (ю) в месте светле, в месте прохладне и в месте покойне, со всеми святыми, отнюду же отбеже всяка болезнь, печаль и воздыхание.

Милостиве Господи! Приими днесь о рабе Твоем (Твоей) (имя) теплую молитву мою сию и воздай ему (ей) воздаянием Твоим за труды и попечения воспитания моего в вере и христианском благочестии, яко научившему (научившей) мя первее всего ведети Тя, своего Господа, в благоговении молитися Тебе, на Тебе Единаго уповати в бедах, скорбех и болезнех и хранити заповеди Твоя; за благопопечение его (ея) о моем духовном преуспеянии, за тепле приносимыя им (ею) о мне моления пред Тобою и за все дары, им (ею) испрошенные мне от Тебе, воздай ему (ей) Своею милостию, Своими небесными благами и радостями в вечном Царствии Твоем.

Ты бо еси Бог милостей и щедрот и человеколюбия, Ты покой и радость верных рабов Твоих, и Тебе славу возсылаем со Отцем и Святым Духом, и ныне и присно и во веки веков. Аминь».

Смерть — это трагедия. О ней мы предпочитаем не думать и продолжаем жить обычной жизнью. Но уход в мир иной является неизбежной частью нашего духовного существования. Молитва за упокой родителей — это важный поступок, который обязательно должен выполнять живой человек.

Не забывай ходить в храм, обращайся к Господу в ежедневной молитве, и она поможет найти выход из любой, даже самой безнадежной ситуации.

Какую бы жизнь ни прожил человек и какие бы поступки ни совершал, в Царстве Божьем мы все едины. Поминовение умерших означает желание помочь душе человека и облегчить ее страдания. Молись за живых и мертвых, и пусть Господь хранит твою семью.

Покажи статью друзьям в социальных сетях, ведь здесь именно та информация, о которой должен знать каждый.

Источник: https://kopilohka.ru/archives/26293

Поделиться:
Нет комментариев

    Добавить комментарий

    Ваш e-mail не будет опубликован. Все поля обязательны для заполнения.